I vår tid treng vi også dekorasjonsmateriell, men i motsetnad til i "gamle dagar", må dei fleste nå kjøpa råmateriale eller ferdige dekorasjonar i butikkane. Behovet for pyntegrønt aukar i takt med velstanden og urbaniseringa. Difor er det også aukande behov for at noen kan skaffe nødvendig materiale og at dette er tilgjengeleg for brukarane når det trengst

Etter kvart som forbruket aukar, blir det også meir og meir nødvendig at alle ledda, frå produsenten til brukaren, har kunnskap om kva som eignar seg til dekorasjonar, juletre osv. i ulike samanhangar. Det blir ikkje sett same krava til eit utandørs juletre som til det treet du skal ha i stova. Krava til ein borddekorasjon på hytta i påska er ikkje dei same som til ein brudebukett.

Kvart år

• blir det brukt omlag 2 mill. juletre i Noreg
• bruker vi omlag 500 tonn klippegrønt
• bruker kvar nordmann ca. 0,1 kg klippegrønt
• bruker kvar danske ca. 2,5 kg klippegrønt

• Størst produksjon av klippegrønt og snittgrønt på Sørlandet og på Vestlandet
• Produksjonen av juletre spreidd over heile Sør-Noreg
• Behovet for klippegrønt er aukande
• Mest klippegrønt av nobeledelgran
• Behovet for juletre nokså stabilt
• Flest juletre av gran, noe av edelgran og ca. 10% furu
• Finst også eit lite forbruk av einer, kristtorn o.a. til juletre

På desse sidene har vi brukt slik definisjon på pyntegrønt:

• Pyntegrønt: Alle slag materiale frå naturen brukt til pynt i alle former. Også juletre.
• Klippegrønt: Bar i hovudsak av gran, edelgran og sypress.
• Snittgrønt (dekorgrønt): Finare klippegrønt. Også kristtorn.
• Naturmateriale: Alt anna frå naturen brukt som dekorasjon, trerøtter, mose ....

Andre definisjonar kan du finne på sida om Produksjon.