LibreLogo

Plotte diagram

Dette er eit eksempel på korleis LibreLogo kan skrive ut eit diagram. I dette tilfellet sinus til vinklar frå 0 til 90, men det er enkelt å endre vilkåra. Programmet er delt opp i mindre funksjonar for å gjere det meir oversiktleg.

 1 TIL aksar ; Teiknar opp x- og y-aksen
 2   HEIM
 3   PENNFARGE 'grøn'
 4   FOROVER 300 TILBAKE 600 HEIM ; y-aksen
 5   VENSTRE 90 TILBAKE 300 FOROVER 600 HEIM ; x-aksen
 6 SLUTT

 8 TIL nullstill ; Nullstiller programmet og set variablar
 9   HEIM
10   TØMSKJERMEN
11   GLOBAL :vinkel
12   :vinkel = 0 ; Vinkelen som skal plottast. Aukar med 1 for kvart steg.
13   GLOBAL :x_verdi
14   :x_verdi = 0 ; Stega langs x-aksen
15   GLOBAL :høgde
16   :høgde = 50 ; Bestemmer høgda på svingningane (y-aksen)
17   GLOBAL :breidde
18   :breidde = 2 ; Bestemmer breidda på svingningane (x-aksen)
19 SLUTT

21 TIL finn_origo ; Finn x- og y-verdiane for midten av skjermen
22   HEIM
23   GLOBAL :x_null
24   GLOBAL :y_null
25   :p = PLASSERING ; Gir tilbake posisjonen som [x, y]
26   :x_null = :p[0] ; x-posisjonen
27   :y_null = :p[1] ; y-posisjonen
28 SLUTT

30 TIL steg ; Aukar verdien for :vinkel og :x_verdi med 1.
31   GLOBAL :vinkel
32   :vinkel = :vinkel +1
33   GLOBAL :x_verdi
34   :x_verdi = :x_verdi + 1
35 SLUTT

37 TIL plott ; Det er her plottinga går føre seg
38   :y = ((SIN :vinkel )* :høgde) + :y_null ; reknar ut y-posisjonen
39   :x =((:x_verdi * :breidde) + :x_null) ; reknar ut x-posisjonen
40   PLASSERING [:x, :y] ; Flytter skjelpadda til ny possisjon
41 SLUTT

Her kjem sjølve programmet:

43 nullstill
44 aksar
45 finn_origo
46 FOR :n I OMRÅDE 90 [ ; Tel frå 0 til 89, altså 90 steg
47   steg
48   plott
49 ]

Noen merknader til programmet

Funksjonen «aksar» teiknar dei to aksane i funksjonen med kryssingspunktet, origo, midt på skjermen.

I «nullstill» blir skjermen reinsa for teikningar som måtte vere der frå før, og set skjelpadda til utgangspunktet. Dei globale variablane blir sette til null. Varablane :høgde og :breidde blir brukte for å bestemma kor høg grafen skal bli og kor mykje bølgjene skal strekkast i breidda. Du kan gjerne eksperimentere med andre verdiar her. Dette er også plasen å endre verdien for :vinkel om du vil byrja med ein annan vinkel enn 0 grader.

LibreLogo reknar skjermkoordinata med utgangspunkt i øvre, venstre hjørne som har koordinata (0, 0). I ei grafisk framstilling er koordinata (0, 0) skjeringspunktet (origo) mellom aksane. For å få skjelpadda til å oppfatta origo som (0, 0), må eg altså legge x- og y-koordinata for dette punktet til dei utrekna koordinata. I «finn_origo» blir variabelen :x_null sett til avstanden langs x-aksen frå sidekanten til midten av sidbreidda. :y_null blir tilsvarande sett som avstanden langs y-aksen frå toppen av sida til midt på sidehøgda.

Funksjonen «steg» aukar vinkelen og x-verdien med 1. Også her kan du gjere endringar om ønskjeleg.

Det meste av matematikken skjer i funksjonen «plott». I linje 38 blir :y først sett til sinus av vinkelen. Sinusverdien går frå -1 til 1. Difor blir denne verdien multiplisert med ein konstant, :høgde, for å bli litt meir synleg på skjermen. Til slutt blir avstanden frå toppen av sida ned til x-aksen lagt til for å få svingningane rundt x-aksen. I linje 39 blir :x sett til verdien av :x_verdi og deretter multiplisert med breiddekonstanten og deretter lagt til avstanden frå venstre side og ut til y-aksen.

Den siste delen er sjølve programmet. Først blir funksjonen «nullstill» kalla opp, derette blir aksane teikna inn. Etter at data for skjeringspunktet er henta inn, startar teljinga. FOR :n I OMRÅDE 90 i linje 46, er LibreLogo sin måte å skrive FOR n = 1 TO 90 som du kanskje kjenner frå andre program. Første gongen sløyfa blir utført, er verdien av :n = 0. I neste køyring er verdien auka med 1 til 1. Slik held det på så lenge verdien av :n er under 90.

Ein fornuftig tanke er å plotte vinklane mellom 90 og 180. Altså FOR :n I OMRÅDE 90 180. Slik programmet er sett opp, vil vinklane likevel bli talde frå 0. For å få vist vinklane 90 - 180, må vi forandre programmet litt. I funksjonen «steg» må du kommentere ut linjene 31 og 32 ved å setje semikolon framføre kommandoane. Funskjonen blir altså slik:

30 TIL steg ; Aukar verdien for :vinkel og :x_verdi med 1.
31   ; GLOBAL :vinkel ; blir ikkje lese av LibreLogo
32   ; :vinkel = :vinkel +1 ; blir ikkje lese av LibreLogo
33   GLOBAL :x_verdi
34   :x_verdi = :x_verdi + 1
35 SLUTT

Dette gjer at desse kommandoane ikkje blir utførte. Sjølvsagt kan du i staden fjerne desse to linjene. Den neste forandringen skjer i sjølve programmet. Verdien av :vinkel skal setjast til same verdien som :n har gjennom sløyfa. I andre program kunne vi ha gjort dette med :verdi = :n, men ikkje i LibreLogo. Her må vi gå vegen om funksjonen TELJAR. Dessutan må vi fortelje at varabelen :vinkel er global. Difor desse to nye linjene i hovudprogrammet:

43 nullstill
44 aksar
45 finn_origo
46 FOR :n I OMRÅDE 90 180 [ ; Tel frå 90 til 179
47   steg
48   GLOBAL :vinkel
49   :vinkel = TELJAR
50   plott
51 ]

Håper forsøket mitt på å vise at LibreLogo kan meir enn å teikne geometriske figurar har lukkast. Lukke til med eksperimenteringa.