Desse sidene er meint å vere eit supplement til dei mange gode matsidene på internett. Eit tillegg som i første omgang byggjer på mattradisjonar frå Kvås (Lyngdal kommune, Vest-Agder) og dei næraste distrikta.

Vansken er at dei fleste informantane ikkje følgjer normaliserte mål og einingar. Kor mykje er «passeleg», «litt» eller «ein neve»? Når tid sluttar fisken å vere fersk? 
Det kan difor ta tid å få til ei oppskrift som kan følgjast av alle. 

Vi prøver etter beste evne å lage oppskriftene slik at også folk utanfor den lokale mattradisjonen skal kunne kopiere og prøve oppskriftene. Difor er det lagt inn fleire kommentarar enn i dei vanlege kokebøkene. Skulle du likevel ha problem, eller merknader til oppskriftene, send ein e-post til Else Mary .

Kompeoppskrifta må vere populær. Vi har funne både oppskrifter og bilde brukt både i såkalla seriøse aviser og på kanskje meir useriøse nettsider utan at kjelda var oppgitt. Dette er faktisk tjueri. Spør du om lov, er saka noe heilt anna.