GIMP |
|
Skifte språk i GIMPDersom du bruker GIMP versjon 2.6 eller høgare, vil GIMP normalt ta i bruk det språket maskinen er sett til å bruke. Skulle du ha ønskje om å bruke GIMP på eit anna språk, er dette lett å få til. GIMP 2.8Frå og med versjon 2.8 kan du skifte språk direkte frå menyen. Gå til Rediger Brukarinnstillingar og vel Grensesnitt. Heilt øvst i menyvindauget som kjem fram, kan du velje språk ved hjelp av nedtrekksmenyen der (ringa inn med raudt på bildet over). Du må lukke og opne GIMP på nytt før du ser verknaden av språkbyttet.
GIMP eldre enn 2.8I desse versjonane er det litt vanskelegare å skifte språk. Men det er som oftast fullt mogleg på ein eller annan måte. I Linux: Gå til konsollmodus og skriv inn LANGUAGE=xx
GIMP eller LANG=xx GIMP. I Windows:
GIMP er på engelskAt brukargrensesnittet for GIMP er på engelsk sjølv om maskinen er sett opp med norsk, har eg ikkje opplevd med GIMP versjon 2.8. Det kan sjå ut til at problemet er løyst. Men skulle du oppleve problemet, prøv oppskriftene nedanfor. Dei blei opphavleg skrive for GIMP versjon 2.6. Den automatiske språkfinninga verkar ikkje alltid i Windows. Eg veit ikkje årsaka, men det har truleg samanheng med at Windows ikkje bruker standardkoder for språk. Utanom metoden nemnd ovanfor, har eg også funne eit par andre måtar å få GIMP på norsk. Normalt legg GIMP seg inn i standardmappa for programfiler. Kva mappe dette er vil variere med Windowsversjonen du bruker. Ved å avinstallere GIMP og installere på nytt i ei anna mappe, hender det at GIMP finn dei rette språkkodene. Dersom avinstalleringa ikkje fjerner brukarmappa Users [Brukarnamnet ditt] .gimp-2.6 må du fjerne denne manuelt før du installerer på nytt. (Ulike versjonar av Windows kan ha ulike namn på brukarmappa. Du får leite deg fram. Dei ligg stort sett på stasjon C:). I nokre tilfelle kan det vere nok å gå inn på mappa GIMP-2.0 share locale og legge alle språkfilene unntatt dei norske («nb» og «nb») inn i ei anna mappe. Du kan også fjerne alle ubrukte språkfiler, men då har du ingenting å falle tilbake på om du seinare ønskjer eitt av språka likevel. Ei anna løysing stod i nettsida «gimp.no» (som nå er lagt ned). Eg har ikkje prøvd det, men reknar med at det verkar. I Windows 7 finn du fram til Kontrollpanel ved å klikke på Windowskula nedst til venstre på skjermen. Klikk deg fram langs Kontrollpanel System Avanserte systeminnstillinger Avansert miljøvariabler. Der finn du fram til Brukervariabler og legg til ein ny variabel med namnet LANG og Variabelverdi nb. Vel verd eit forsøk. Windows finst ikkje på nynorsk, så variabelen nn vil truleg ikkje gjere nytta. Dersom du studerer nynorsk- og bokmålsversjonen, vil du oppdage at fagtermane ikkje er heilt dei same. Det er arbeid på gang for å samordne dette, men slikt tar tid.Sjå meir om dette på sida om fagtermar. |
Generelt: | Om hjelp på norsk | Skifte språk |Fagprat | |
|
|
© Innhald og design: Kolbjørn Stuestøl | Stuestøl heimeside | Sist endra 24. november 2015 |