Jonsok ved Kleivvannet

Penneteikning av Anders Hestad
(1851-1931). Datert 30.3.1918)

Med historia i nåtida for framtida

Kvås bygdelag er ei ideell foreining der alle som bur i Kvås er medlemmer. Laget er ei blanding av velforeining, historielag og mykje anna. Hovudoppgåva er å gjere det triveleg i bygda ved å lage til utstillingar med ymse tema, arrangere tilstellingar av kulturell og anna art som kan vera til glede og nytte for bygdefolk og andre interesserte, og elles kva som måtte interessere bygdefolket. Alle aktivitetane er sjølvsagt også opne og tilgjengelege for andre enn kvåsfolk. Bygda set pris på folk utanfrå.

Litt av det vi har drive med, er tilgjengeleg i arkivet. Sjå lenkene til venstre her på sida. Etter kvart har det skild seg ut noen større prosjekt. Desse er lista opp nedanfor.

Laget har, ferdig eller under arbeid:

• eit nokså godt slektsarkiv der alle(?) slektene i Kvås er registrerte.
  (Pådrivar: Svein Kjørvik, Kolbjørn Stuestøl)
• ei fyldig boksamling med litteratur om utvandringa til Amerika, donert av Bertin Stuestøl, (kalla seg Ben Benson i USA) i 1997. Emigrantlister, passasjerlister, beskrivingar av den nye verda osv. Registrert med støtte frå «Sons of Norway».
  (Administrert av Lyngdal bibliotek, filial Kvås. Ansvarleg: Jofrid Hauan)
• eit bildearkiv med motiv frå Kvås
  (Pådrivar: Svein Kjørvik)
• eit kartarkiv over gamle ferdselsvegar og andre fornminne i Kvås.
  (Pådrivar: Per Grimsby)

Alt arbeidet er på dugnad, så innsatsen vil gjerne bli litt rykk og napp etter som den eller dei som arbeider med saka har ånda til det.

Kvåsfossen
Logoen til Bygdelaget er ei stilisert utgåve av fossen, teikna av Andreas Vegge

Bertin Stuestøl
(Ben Benson)
(Foto: Thor Benson)

| 2004 | 2005 | Arkiv | Slekter | Ferdselsvegar | Vemestadtinget 2004 | Samlingspunkt? |